4招防中伏

【消委会】现时大部分人去旅行都兴自游行,时间灵活又唔使夹硬去啲冇兴趣嘅景点,见到有兴趣嘅当地活动/景点门票就自己透过旅行社预订。但近年关于旅游产品或服务嘅争议都唔少,睇睇消委会教你,遇上问题时要点解决!

消委会:旅游服务货不对办 三大个案

A小姐同朋友外游韩国,睇中一个导赏团行程,于是用某旅行社嘅手机app立即畀哂钱做网上预订,亦收到确认电邮。明明準时而且地点正确,车上导游都话冇佢哋预订资料而唔畀上车。打返去旅行社,职员又前言不对后语,一时话A小姐係下一班车,一时又话导赏团已出发。A小姐最终透过旅议会成功追讨赔偿。

4招防中伏
个案一・A小姐

B小姐同父母去泰国自游行,睇啱一个话由华语导游带住玩嘅观光团,就立即付款报名。随后收到旅行社通知话行程有更改,但华语导游一项冇变,所以B小姐就冇退团。点知当日导游全程讲英文,同唔识英文嘅父母鸡同鸭讲。经投诉后旅行社答应全数退款。

4招防中伏
个案二・B小姐

C先生喺旅行网站买咗展览门票,并按指示喺旅行社柜位凭收据领取门票。但到达会场时,场内职员话展览一早完咗。旅行社嘅收据则注明门票有效期至年尾,而且柜位职员竟然照旧畀入场票佢,令佢非常疑惑。经投诉后方获得退款安排跟进。

4招防中伏
个案三・C先生
消费时应注意4点!1|提早/预留时间预订

最好尽早计划行程同预订,为免因时间太赶令行程出错。

4招防中伏
1|提早/预留时间预订
2|掌握当地旅游讯息

留意当地服务供应商嘅办公地点等相关联络资料,以便寻求协助。情况许可嘅话更建议事先联络当地确认详情同预订状态。喺订购当地展览馆、景点或主题乐园门票时,要上官网查清楚详细资料。

4招防中伏
2|掌握当地旅游讯息
3|兑换安排+使用条款

畀钱前记得仔细睇返相关条款,如最低成团人数等,记低通知时间及唔成团时会点安排。虽然预订后一般会收到确认电邮,但有时唔係确认咗就得,要睇睇条款有冇例明要带订单印刷本等等,仔细阅读相关条文详情。

4招防中伏
3|兑换安排+使用条款
4|光顾持牌旅行社

购买服务前应先查明是否属于香港嘅持牌旅行社,万一出事都有途径追讨,唔好单凭有冇实体店、网上评论等而做决定。如果遇上问题,应立即电话或电邮联络代售旅行社,留低所有纪录以便日后追讨。

4招防中伏
4|光顾持牌旅行社
延伸阅读:【消委会测试】30款香薰精油全部验出含致敏物质|不妥使用引发皮肤敏感、抽搐、晕眩

4招防中伏